präsentiert:

aus der CD "Prost Reinheitsgebot!" (2015)

Bierbank-Bruada
(Musik und Text.: Christian Veith)


1.Strophe:

I sitz net gern am Bürostui.
Da Bürostui is so hoat.
Er is zwar gfedert und polstert,
Hot aber praktisch null Komfort
Und i sitz aa net gern vorm Computer,
Da Computer is ma z' bläd
Weil er net mit mit redn mog
Und weil er aa koan Spaß versteht.
Refrain: Ja mei, i hock halt am liaban auf da Bierbenk.
Auf da Bierbenk do hock i so guat.
Anatomisch optimal, weil ma do nix wehdoa duat.
I hock hoid am liaban auf da Bierbenk.
Über da Bierbenk do leicht mei Stern.
Und wenn 's eventuell aa no a Freibier gibt,
Dann konns nimma scheena wern.
2. Strophe: I sitz net gern im Auto.
Do drinn bist nirgands dahoam.
Muaßt ollawei woanders hi,
Werst nirgends richtig woam.
Und i sitz aa net gern im Gfängnis.
I bin hoit gern amoi so frei.
Im Gfängnis sitzt ma aa im Geh und Steh,
Sogar im Lieng sitzt ma do drin ei.
Refrain: Ja mei, i hock halt am liaban auf da Bierbenk...
Bridge: Und wenn wieder moi a so a Bankblosn platzt
Und 's Gschroa gang wieder oo
Dann trog i mei Geld auf de Bierbank nauf
Mei Blosn de packt des scho.
Refrain: Ja mei, i hock halt am liaban auf da Bierbenk...