präsentiert: |
aus der CD "Prost Reinheitsgebot!" (2015)
Der Letzte Gast |
(Text und Musik: Christian Veith) |
1.Strophe: | I trink blos no mei Noagerl zam Und dann bin i glei fuat Scho wieder der Letzte, dabei woaß i ganz genau Des duat ma gar net guat. Alle meine Freind san scho längst im Bett Sie miaßn morgn wieder raus, Vielleicht, wenn i a andere Arbat hät, Schaugerts aa bei mir anders aus. Ja mei. |
2.Strophe: | Jedn Dog, wenns finster wird, Spür i wos in mir Des druckt und zwickt mei oame Seel Bis i fast narrisch wir. Dann treibts mi aus meiner Bude naus, In de stockfinstre Nacht. Grod ois wia a Fledermaus, De erst auf d` Nacht aufwacht. |
Refrain: | Dann hob i wieder mei Schicht Bis ma`s Liacht ausdrahn. I bin no immer do, aa wenn Alle andern längst scho ganga san. |
3. Strophe: | Irgend wann muaß des anders wern Bloß, i woaß no net wia Und wann genau konn i aa net song, Doch irgendwann is besser ois nia. A paar aufgwarmte Buidl aus de ganz oidn Dog Schleichan umanand, Macha ses bei mir im Kopf drinn bequem Und ziagn und zarrn an meim Verstand |
Refrain: | Dann hob i wieder mei Schicht... |
4. Strophe: | De Kellnerin stellt de Stui am Tisch Und wischt an Bodn zam. Sie hot an Kropf wia a Taubn Und a Gmiat wia a Fisch Sie mechts net anders hom. Bei mir herhint im Eck brennt des letzte Liacht Da Wirt wascht Glasl aus. Ab und zua lurt er ganz grantig zu mir her, Jetza moan i, etza schmeißt er mi boid naus. |
Refrain: | Aa net schlimm, i wers übersteh, es waar net 's erste Moi. Dann geh i hoit woanders hi i bin der letzte Gast, Dann latsch i hoit woanders hi i bin der letzte Gast, Dann schleich i mi woanders hi i bin der letzte Depp überoi. |